සංවර්ධන ලොතරැයි මණ්ඩලය

සංවර්ධන ලොතරැයි මණ්ඩලය එක පෙළට බිහිකළ තවත් කෝටිපතියන් හා ලක්ෂපතියන් 47 දෙනෙක්ට දෝත පුරා තෑගි !

09-May-2025

ජයග්‍රහණය වෙනුවෙන් හීන දකින මෙරට සුවහසක් ලොතරැයි පාරිභෝගික ජනතාවගේ සිහින එක රැයින් සැබෑ කරන සංවර්ධන ලොතරැයි මණ්ඩලය තම ටිකට්පත් තුළින් බිහිවූ තවත් වාසනාවන්තයින් රැසකට අදාළ චෙක්පත් ප්‍රදානය කිරීම 2025.05.08 වන දින සංවර්ධන ලොතරැයි මණ්ඩලයේ සභාපති /ප්‍රධාන විධායක නිලධාරී නීතිඥ හේමන්ත ස්වර්ණතිලක මහතාගේ ප්‍රධානත්වයෙන් හා කළමනාකාරිත්වයේ සහභාගීත්වයෙන් සංවර්ධන ලොතරැයි මණ්ඩල ප්‍රධාන කාර්යාල පරිශ්‍රයේදී සිදුකරන ලදී.

මෙහිදී සංවර්ධන ලොතරැයිපත් අතරින්, සුපර්බෝල් සුපිරි ජයමල්ල වන රු.93,267,869/- දිනාගත් වාසනාවන්තයාටත් සහ කප්රුක ලොතරැයියේ සුපිරි ජයමල්ල රු.10,000,000/- දිනාගත් වාසනාවන්තයාටත්,ලග්න වාසනාව සුපිරි ජයමල්ල වන රු.5,833,762/- දිනාගත් වාසනාවන්තයාටත්, ලග්න වාසනාවේම සුපිරි ජයමල්ල වන 3,549,874/- දිනාගත් වාසනාවන්තයාටත් , සුපිරි ධන සම්පත ලොතරැයියෙන් බිහිවූ රු.2,500,000/- ජයග්‍රාහකයන්‍ 05 දෙනෙක් සඳහා  චෙක්පත් ප්‍රදානය කරන ලදි.

එසේම තවත් විසි ලක්ෂපති ජයග්‍රාහකයින් 20 දෙනෙක් සදහාත් දස ලක්ෂපති ජයග්‍රාහකයින් 18 දෙනෙක් සදහාත් එහිදී චෙක්පත් ප්‍රදානය කළ අතර සමස්ත ජයග්‍රාහකයින් 47 දෙනෙක් අතරෙහි රු. 183,151,506 /-ක වටිනාකමකින් යුත් චෙක්පත් එදින බෙදාදීම සිදු කරන ලදි.   

×