සංවර්ධන ලොතරැයි මණ්ඩලය

“අදකෝටිපති” ලොතරැයිය බිහිකළ කෝටිපති ජයග්‍රාහකයින් සිව් දෙනෙක්ට ගරු අගමැතිතුමන් අතින් චෙක්පත් පිරිනැමේ.

27-February-2020

2020 වර්ෂයේ මාස දෙකක කාලය ඇතුළත අද කෝටිපති ලොතරැයිය බිහිකළ සුපිරි කෝටිපති ජයග්‍රාහකයින් සිව් දෙනෙක් සදහා අදාළ චෙක්පත් ප්‍රදානය කිරීම 2020.02.26 දින ශ්‍රි ලංකා ප්‍රජාතාන්ත්‍රික සමාජවාදී ජනරජයේ අග්‍රාමාත්‍ය සහ ගරු මුදල් අමාත්‍ය මහින්ද රාජපක්ෂ මහතා අතින් අරලිය ගහ මන්දිරයේදී සිදුවිය.

එහිදී පහත නම් සදහන් ජයග්‍රාහකයින් සහ අලෙවි නියෝජිත මහත්ම මහත්මීන් ගරු අග්‍රාමාත්‍යතුමන් අතින් අදාළ චෙක්පත් ලබාගන්නා ලදී.

2020.01.22 දින පවත්වන ලද අදකෝටිපති 860 වාරයේ දිනුම් ඇදීමේදී සුපිරි ජයමල්ල වූ රු.59,907,350/-ක මුදල දිනාගත් නිකවැරටිය සිට පැමිණි ආර්.එම්.කරුණාරත්න මහතා සහ ඔහුට එම වාසනාවන්ත ලොතරැයිය අලෙවි කළ නිකවැරටිය අලෙවි නියෝජිත ජී.එම්.ඩබ්.අපොන්සු මහතා.
2020.01.28 දින පවත්වන ලද අදකෝටිපති 866 වන වාරයේ දිනුම් ඇදීමේදී සුපිරි ජයමල්ල වූ රු.51,794,130/- ක මුදල දිනාගත් ජයග්‍රාහකයා බලංගොඩ සිට පැමිණි කේ.ජී.සී.හේමකුමාර මහතා සහ ඔහුට එම ලොතරැයිය අලෙවි කළ හිගුරාන අලෙවි නියෝජිත කේ.ඒ.එල්.ස්වර්ණකුමාර මහතා .
2020.02.07 දින පවත්වන ලද අදකෝටිපති 876 වාරයේ සුපිරි ජයමල්ල වූ රු. 53,144,515/-ක මුදල දිනාගත් ජයග්‍රාහකයා මැදමහනුවර එම්.බාලසුබ්‍රමනියම් මහතා සහ එම ජයග්‍රාහී ලොතරැයිය අලෙවි කළ දිගන අලෙවි නියෝජිත ඩබ්.ඒ.පී.පී.ඇලඩින් පෙරේරා මහතා.
2020.02.22 දින පවත්වන ලද අදකෝටිපති 891 වාරයේ සුපිරි ජයමල්ල රු.55,015,700/- ක මුදල දිනාගත් ජයග්‍රාහකයා මාතර සිට පැමිණි රවින්ද්‍ර කුමාර් මහතා සහ එම ලොතරැයිය අලෙවි කළ දෙවිනුවර අලෙවි නියෝජිත කේ.ජී.ශාන්ත මහතා.

මෙම අවස්ථාව සදහා සංවර්ධන ලොතරැයි මණ්ඩලයේ සභාපති ජගත් පී විජේවීර මහතා සාමාන්‍යාධිකාරී, අනුර ජයරත්න මහතා, නියෝජ්‍ය සාමාන්‍යාධිකාරී (මුදල්), විජිතා සෝමරත්න මෙනවිය, නියෝජ්‍ය සාමාන්‍යාධිකාරී (අලෙවි), චානක දොඩන්ගොඩ මහතා යන අය සහභාගී විය.