සංවර්ධන ලොතරැයි මණ්ඩලය

සංවර්ධන ලොතරැයි මණ්ඩලය බිහි කළ සුපිරි ජයග්‍රාහකයින්, විසිපන් ලක්ෂපතියන්, විසි ලක්ෂපතියන් හා දස ලක්ෂපතියන් 61 දෙනෙක් සඳහා චෙක්පත් ප්‍රදානය කෙරේ.

26-December-2024

අසිරිමත් නත්තල අභියස වාසනාව දෝතට තිළිණ කළ තවත් චෙක්පත් ප්‍රදානෝත්සවයක් 2024.12.24 වන දින සංවර්ධන ලොතරැයි මණ්ඩලයේ සභාපති / ප්‍රධාන විධායක නිලධාරී හේමන්ත ස්වර්ණතිලක මහතාගේ ප්‍රධානත්වයෙන් හා සාමාන්‍යාධිකාරී අනුර ජයරත්න මහතා ඇතුළු කළමනාකාරිත්වයේ සහභාගීත්වයෙන් සංවර්ධන ලොතරැයි මණ්ඩල ප්‍රධාන කාර්යාල පරිශ්‍රයේදී සිදුකරන ලදී.

මෙහිදී සංවර්ධන ලොතරැයි පත් අතරින්, අද කෝටිපති සුපිරි ජයමල්ල වන 85,383,097/- දිනා ගත් වාසනාවන්තයාටත්, කප්රුක ලොතරැයියේ කෝටිපති ජයමල්ල රු.10,000,000/- දිනාගත් වාසනාවන්තයාටත්, ලග්න වාසනාව සුපිරි ජයමල්ල වන 5,953,704/- දිනා ගත් වාසනාවන්තයාටත්  සහ තවත් සුපිරි ධන සම්පත ලොතරැයියෙන් බිහිවූ රු.2,500,000/- ජයග්‍රාහකයන්‍ 05 දෙනෙක් සඳහා  චෙක්පත් ප්‍රදානය කරන ලදි.

එසේම තවත් විසි ලක්ෂපති ජයග්‍රාහකයින් 32 සදහාත් දස ලක්ෂපති ජයග්‍රාහකයින් 21 දෙනෙක් සදහාත් එහිදී චෙක්පත් ප්‍රදානය කරන ලදි. 

ඒ අනුව එදින සංවර්ධන ලොතරැයි පත් තුළින් දිවයින පුරා විසිරී සිටින ජයග්‍රාහකයින් 61 දෙනෙකු අතර  රු. 198,836,802/-ක වටිනාකමකින් යුත් චෙක්පත් බෙදාදීම සිදු කරන ලදි.  

×